Nú fer að líða að því að við lokum í Eldstó Café .......

Þetta hefur verið gjöfult og gott sumar, en ég hlakka til að fá hvíldina og komast í að vinna í leirnum, með Þór. Við þurfum að taka okkur ferð á hendur og ná í leir inn í Búðardal og Hekluvikur, sem að er okkur nær, til að nota í glerunga.

Við munum þó hafa þann möguleika fyrir minni hópa, að koma í Eldstó í vetur, ef að áhugi er fyrir því.

 

Ég vil nota tækifærið til að þakka öllum sem að komið hafa við hjá okkur og notið veitinga og góða veðursins, sem að við nutum í sumar. Ekki verður opið í september, eins og ég var að spá í, þar sem að ferðamannatraffíkin hefur minnkað til muna!

                                   

Athugasemdir

[Birna Dis Vilbertsdóttir (IP-tala skráð) 26.8.2007 kl. 09:18]

Takk fyrir góða kaffið þitt og frábæru súkkulaðikökuna. Yndislegt að koma til þín. Góða ferð í leir og vikurferðalagið

[G.Helga Ingadóttir, 26.8.2007 kl. 22:36]

Takk fyrir að koma við hjá mér í sumar og Guð veri með þér!

[Ásthildur Cesil Þórðardóttir, 27.8.2007 kl. 00:47]

Girnilegar kökur G.Helga mín.  En hvað ég skil þig vel þegar haustar að og störfin breytast.  Mesti asinn liðinn og tími fyrir annað sem liggur á. 

[Benedikt Halldórsson, 28.8.2007 kl. 23:31]

Girnilegar kökur! Við eigum alltaf eftir að fara austur fyrir fjall...það kemur að því en við erum alltaf á leiðinni! Bið að heilsa Þór.

[G.Helga Ingadóttir, 29.8.2007 kl. 21:17]

Já - þær bragðast líka vel, eins og myndirnar segja, kveðja til Eyglóar og verið velkomin í sveitina.  

[Ásthildur Cesil Þórðardóttir, 1.9.2007 kl. 11:58]

Takk fyrir það.  Ég á eftir að kíkja við einhvern tímann.