Spennandi að vera með Jesú!

Flesta morgna fer ég í göngu með hundinn minn, í um það bil eina kl.stund. Og allan tíman er ég að biðja og tala við Jesú, hlusta á rödd hans og draga í mig nærveru hans og Andann hans heilaga!

Þvílík stund. Ég hugsa til þess hve mörgum stundum ég hef eitt til einskis, án þess að finna fyrir nærveru Jesú og liðið illa. En nú er hjarta mitt fullt af friði og gleði og allt megna ég fyrir hjálp hans, sem mig styrka gjörir, hljómar í huga mínu. Mér líður eins og ég hafi farið í bað, sem að þreif mig jafnt að innan sem utan.

Ég finn fyrir krafti hans líkamlega, sálarlega og andlega. Ég er forréttinda manneskja og ég er auðug, mig skortir ekkert. Ég veit að ég veit, að ég veit, að Jesús lifir. Ég er kona Trúar. Hvers vegna, af því að ég bauð Jesús inn og hann kom inn!

Það sem meira er, ég veit að Jesús er fullríkur fyrir alla, auður hans er óendanlegur og eylífur. Ekkert getur slitið mig og þá sem á hann trúa, úr hendi hans.

Jesús er persónulegur Guð, hann mætir hverjum og einum persónulega. Tími og fjöldi er afstætt fyrir honum. Hann er stærri og meiri en hugur okkar fær skilið. Hann er sá sem að heldur sköpuninni í hendi sinni. Kærleiki hans er fullkominn og engu er hægt við hann að bæta. Ekkert sem að ég geri breytir kærleika Guðs, hann er skilyrðislaus.

Guð er heilagur og synd getur ekki komið í hans návist. En Jesús opnaði leiðina að hans heilaga hásæti og hulin í fórnarblóði hans (andlega talað) getum við komið inn fyrir fortjaldið, og snert hásæti Dýrðarinnar.

Ég bið og finn að ég er ekki hér, andi hans tekur mig og fer með mig um víðan völl. Þetta er ævintýri, en samt raunverulegt. Bænasvörin láta ekki standa á sér og ég er andaktug.

Trú mín virkar og elska Guðs hreinsar mig og breytir mér hið innra, væntingar mínar og þrár eru ekki þær sömu og áður. Allt er breytt og ég finn elsku Guðs til manna, líka þeirra sem að veitast að mér með leiðindum og aðkasti. Ég hata engan og ég blessa fólk í huganum, hvernig sem allt snýr.

En ég er djörf og ég hræðist ekki menn, ég veit að ég er dýrleg sköpun Guðs, samkvæmt Orði hans og hann hjálpar þeim sem til hans leita. Hann er sá sem hefur valdið, hann er Guð!

Athugasemdir

[Hjalti Rúnar Ómarsson, 25.10.2007 kl. 00:35]

Ef þú og Jesús hafið ekkert að tala um einhvern morguninn, þá geturðu prófað að fara í leik með honum. Prófaðu að spyrja hann að því hvaða næsta bílnúmer sem þú sérð verður.

Ég spái því að Jesús, þrátt fyrir að vera alvitur, muni ekki vita bílnúmerin.

[Jón Valur Jensson, 25.10.2007 kl. 02:29]

Kjánalegt innlegg, Hjalti. GUÐ er meiri hugsunum þínum.

Og Helga, hjartans þakkir fyrir þessa fallegu hugleiðingu þína og vitnisburð.

[Hjalti Rúnar Ómarsson, 25.10.2007 kl. 03:00]

Er kjánalegt að halda að guðinn ykkar viti hvaða bílnúmer þú eigir eftir að sjá?

[G.Helga Ingadóttir, 25.10.2007 kl. 11:48]

Hjalti, afhverju spyrð þú hann ekki, Jesús er bara einni bæn í burtu.

[Sigríður Jónsdóttir, 25.10.2007 kl. 20:51]

Yndislegt blogg hjá þér, takk takk

[Birna Dis Vilbertsdóttir (IP-tala skráð) 25.10.2007 kl. 23:00]

Yndislegt, takk 

[Linda, 26.10.2007 kl. 03:58]

Ég vildi að ég væri eins mikil blessun og þú, ég er svo innilega heppin að eiga þig sem bloggvinkonu, knús til þín og þinna og Guð blessi þig og varðveiti.

[G.Helga Ingadóttir, 26.10.2007 kl. 13:33]

Þakka ykkur öllum fyrir að koma við og blessunin er þín Linda, vegurinn er þér opinn. Opnaðu hjarta þitt og huga í bæn og teygaðu í þig nærveru Jesú. Þá muntu finna að hann er fullríkur fyrir okkur öll, og mun blessa þig umfram allt sem að þú hefur getað ímyndað þér og vonað.

Ég hef svo sannarlega átt mínar eyðimerkur göngur, ekki opnað munn minn til bæna og látið hugarangur og víl stjórna mér. En nú bið ég til Drottins að ég gleymi honum ekki eina stund, heldur fylli hann mig og gefi mér allt sem að hann hefur fyrir mig. Þannig er ég örugg.

[Þormar Helgi Ingimarsson, 27.10.2007 kl. 07:46]

Helga. Ég þakka þér fyrir að tala sannleikann. Þetta er hárréttt hjá þér. Jesú er meiri en hugur minn og stærri en allt. Helga ég blessa þig og fjölskyldu þína.

P.S. Ég bið þig að hafa mig í bænum þínum þegar þú biður. Takk fyiri.

[Ásthildur Cesil Þórðardóttir, 28.10.2007 kl. 14:37]

Knús á þig elskulega kona. 

[Aðalbjörn Leifsson, 28.10.2007 kl. 15:53]

Til hamingju með að eiga Jesú sem frelsara og drottinn. Það toppar enginn og ekkert Jes´´um Krist. Be blessed.

[Helena Leifsdóttir, 29.10.2007 kl. 12:02]

EF öll þjóðin mundi byrja daginn með Jesú eins og þú gerir kæra Helga,væru fjölmiðlar og samfélagið baðað í blessunum himinsins. Í hvert skipti sem ég labba um bæjinn minn bið ég Jesú að blessa heimilin,fjölskyldurnar,leikskóla og skóla.Gefa nærveru sína frið og kærleika í hjarta og huga. Þú ert mikil blessun fyrir Island Helga.

Blessun og friður Drottins margfaldist þér til handa! 

[Gísli Kristjánsson, 29.10.2007 kl. 20:12]

Guð blessi þig, þú ert .

[Þórarinn Þ Gíslason (IP-tala skráð) 30.10.2007 kl. 10:58]

Fallegt og Heilnæmt blogg og höfðar til mín á allan hátt.Já GUÐ, þeir sem uppgvöta hann eru hólpnir og þú talar um BÆNASVÖR,ÞEIM hef ég fengið að kynnast.Guð veri með þér og blessi þig RÍKULEGA.