Er að vinna að OPNUN um Hvítasunnuna!

Ég er á haus við undirbúning að opnun Eldstó Café, Smíða, breyta, taka til, panta inn og HUGSA! Hvernig get ég bætt mig frá því á síðasta ári, alltaf að læra eitthvað nýtt. Hvernig get ég sem best mætt kúnnanum og hvernig á ég að markaðssetja mig, án þess að fara á hausinn!

 

En það er mikill hugur í mér, ég hlakka virkilega til núna og vonast eftir góðum viðskiptum. Þetta litla sprotafyrirtæki þarf að komast upp úr jörðinni. Eftir því sem að það vex hægar, því rótfastara verður það, það er lögmál, trúi ég!

 

En nú er bara að koma í sveitina og fá sér virkilega gott kaffi og með því, skoða Íslenska náttúru og íslenskt handverk!

 

         

Verið öll innilega velkomin!   

 

Athugasemdir

[Skonsan (IP-tala skráð) 24.5.2007 kl. 10:05]

Sæl. Ein spurning. Hvar er þetta staðsett í sveitinni. Aldrei að vita að maður kíki í kaffi en en það fer eftir staðsetningu!! kveðja Björg

[G.Helga Ingadóttir, 24.5.2007 kl. 11:35]

www.eldsto.is og þú sérð allt um okkur, en við erum stödd á Hvolsvelli í sama húsi og Pósthúsið og erum við þjóðveg 1, skáhallt á móti N1 - sjoppunni á sem að kölluð er Hlíðarendi! Vertu velkomin, við opnum á laugardag, þá ætti þetta að vera klárt!

[Birna Dis Vilbertsdóttir (IP-tala skráð) 24.5.2007 kl. 14:53]

Sæl. Loksins áttaði ég mig á því hvar þið eruð í sveit sett. Kíki á ykkur fljótlega. Flott síðan ykkar og munirnir.Um kökur og kaffi líka ummmmmm

[Guðsteinn Haukur Barkarson, 28.5.2007 kl. 17:40]

Vá, mig hlakkar til að kíkja á þig í sumar !

[G.Helga Ingadóttir, 28.5.2007 kl. 20:49]

Vertu velkominn Guðsteinn og frú, hlakka til að sjá ykkur!

[Linda, 1.6.2007 kl. 14:50]

Guðsteinn og frú eru á leiðinni að kíkja, ef allt gengur á eftir áætlun.  þeim hlakkar til að sjá staðinn.  Til hamingju!!

[G.Helga Ingadóttir, 2.6.2007 kl. 09:50]

Guðsteinn og frú mættu í Eldstó Café og það var eins og við hefðum alltaf þekkst, eða þannig. Rosa gaman að hitta bloggvini svona auglitis til auglitis. Ég held að þau hafi bara verið ánægð með það sem þau fengu og sáu!

[Guðsteinn Haukur Barkarson, 4.6.2007 kl. 10:22]

Það vorum við og ég segi eins og þú, það var eins og við hefðum alltaf þekkst ! Þessar Belgísku vöflur þínar voru hreint ótrúlega góðar !! Ég er harður í gagnrýnni minni á mat, en þetta var hreint og beint æðislegt ! Þú ert búinn að gera staðinn svo huggulegann og yndislegann að orð fá því ekki lýst! Eins var æði að sjá alla þá listasmíð sem þú hefur uppá að bjóða!

En það var rosalega gaman að koma og hitta þig, ég kona mín vorum eitt sólskinsbros eftir við komum út frá þér. Eins og þú sagðir sjálf, það var bara eins og við hefðum alltaf þekkst ! Guð blessi þig systir !

[G.Helga Ingadóttir, 4.6.2007 kl. 11:02]

Takk fyrir hlýleg orð og þið getið bara sjálf verið ÆÐISLEG!